星岛网：林敏骢首拍剧同鲍姐斗演技被捧视帝大热 唔在乎︰视帝係乜嚟
63岁林敏骢入行超过40年，第一次拍剧《下流上车族》已获佳绩，首周有23.9点收视，上周更达26.8点高收视，一向招积的骢哥，认叻之馀，亦开心表示遇着鲍起静和江美仪两位好对手，仲自觉同鲍姐斗演技都无处于下风，自我感觉相当良好。至于被网民捧为视帝大热，他就完全唔恨攞奖，认为有网民讚已当赢 。
採访：杜杜 摄影：谭志光 服装︰@LAKH、@Novelty Lane
讲到剧集首周已有23.9 点收视，骢哥坦承估唔到，“都係狗屎撞棍，机缘巧合。”若然30点收视会否着泳裤答谢大家，他不离风骚本色话：“到30点我帮Carman（黄嘉雯）换泳衣，（帮校长换唔拣阿女？）乱伦咩！（识拣港姐冠军喎！）咪係。”
讚网民识睇戏
对于剧集受欢迎，骢哥认为自己的第一次对观众来讲最有睇头，“佢哋觉得你第一次拍剧，就算纯搞笑乱晒笼都接受，更加唔expect你做得到，而且做得到咁好，同鲍姐有得斗吓，唔係下风，係过招，仲要赢佢。”讲到同鲍姐及江美仪合作感受，他笑言：“冇下次啦！哈哈！因为已经做到最好。”他更大讚戏中老婆江美仪是个好对手，“对佢嘅印象係戏好好，呢个係无容置疑，如果
